香港新浪網 MySinaBlog
« 上一篇 | 下一篇 »
鬍鬚人 | 13th Sep 2006 | 玩樂最興奮 | (4299 Reads)

平均分: 10.00 | 評分人數: 2

 Picture

網友曉寒早前提議大家多寫一些童年往事,令我想起大約一年前蘋果日報副刊介紹50件童年無聊玩意。

50件當中,我做過49件,自己也覺得可怕!emoticon

因沒有將報紙保留,現在貼上的是在互聯網找到再加上我自己的增減:

1. 震 音 與 風 : 簡 直 爆 大 冷 ! 原 來 好 多 人 都 試 過 對 住 風 扇
講 , 把 聲 好 似 「 聲 音 經 過 處 理 」 咁 , 重 可 以 校 唔 同 Level ,
震 音 程 度 , 有 埋 秀 髮 飄 揚 效 果 , 真 係 開 拍 MV 咁 , 若 個 風 扇
曉 「 轉 」 , 重 可 以 扮 Fade Out !
2. 插 米 : 抱 住 「 常 滿 」 紅 A 膠 米 桶 練 習 「 天 津 炒 米 」 或 者
「 鐵 沙 掌 」 。 往 往 隨 時 遇 上 阿 媽 藤 條 踢 館 , 走 火 入 魔 武 功
盡 失 !
3. 飛 拖 鞋 : 拜 足 球 小 將 所 賜 , 飛 拖 鞋 鬥 遠 是 為 屋 村 細 路 必
玩 項 目 。 先 燕 式 平 衡 再 發 力 踢 , 沉 醉 「 猛 虎 射 球 」 世 界 。
4. 商 場 暴 走 : 全 力 助 跑 4 、 5 米 然 後 先 跣 得 2 、 3 米 , 其 實
慘 過 行 路 都 幾 搵 笨 。 所 以 根 據 進 化 論 , 演 變 出 今 日 暴 走 鞋 。
5. 電 梯 倒 行 : 超 級 危 險 遊 戲 , 一 下 失 手 隨 時 浴 血 電 梯 上 頭
條 。
6. 踩 影 : 唔 知 邊 度 聽 到 人 話 俾 人 踩 中 個 影 會 黑 仔 衰 三 日 。
12 點 烈 日 當 空 最 好 玩 。
7. 踩 人 白 飯 魚 : 白 飯 魚 , 係 踩 , 你 髹 得 愈 白 洗 得 愈 乾 淨 就
愈 易 成 為 眾 人 目 標 !
8. 抽 象 畫 :坐 在 馬 桶 上,看 著 油 漆 剝落 的牆 的 花 紋, 想 像 似 什 麼 動 物、人物 …
9. 背 脊 貼 龜 : 貼 時 記 得 要 用 張 長 膠 紙 , 輕 輕 High 過 目 標 背
脊 。 大 力 拍 只 會 打 草 驚 蛇 。
10. 扮 入 樽 :係 走 廊 垂 直 跳 高 用 手 拍 打 橫 陣。
11. 壁 虎 功 (手 腳 並 用 ): 屋 企 走 廊 或 房 門 練 習 , 落 番 手 騰 腳 震 。
12. 飄 移 購 物 車 : 超 市 必 玩 , 但 如 果 唔 買 番 咁 上 下 貨 架 車
度 , 小 心 翻 車 。
13. 鋪 紙 刮 大 銀 : 課 本 、 練 習 簿 角 落 頭 總 有 一 兩 個 , 原 來 大
家 早 就 領 悟 「 錢 滾 錢 」 道 理 。
14. 捐 地 鐵 出 入 閘 機 : 明 知 過 三 歲 , 仍 然 不 買 票 , 好 多 人 都
做 過 , 但 睇 怕 都 係 「 被 迫 」 。  
15. 跳 梯 級 : 跳 得 愈 多 愈 好 , 愈 型 , 街 訪 發 現 原 來 最 少 要 跳
到 8 級 至 叫 合 格 , 厲 害 者 一 跳 10 級 , 勁 過 玩 X-Game 。  
16. 玩 水 喉 : 洗 手 時 突 然 住 個 水 喉 搵 水 射 人 。
17. 濕 紙 巾 黐 天 花 : 將 紙 巾 整 濕 撕 碎 丟 上 天 花 板 , 等 佢 黐 住
個 天 花 或 者 跌 落 掟 中 死 對 頭 。
18. 彈 擦 膠 : 用 間 尺 扮 搖 搖 板 , 彈 起 擦 膠 。
19. 踩 階 磚 : 地 下 有 階 磚 時 , 特 登 隔 一 格 一 格 行 。
20. 白 粉 工 場 : 用 間 尺 切 擦 膠 碎 , 扮 「 白 粉 工 場 」 。  
21. 射 橡 筋 : 幾 條 橡 筋 一 齊 射 , 睇 落 好 似 好 勁 , 實 質 瞄 唔
準 。
22. 夕 陽 石 壆 : 樓 梯 邊 石 壆 玩 溜 滑 梯 。 但 家 斜 石 壆 難 搵 , 雷
同 跣 鐵 欄 都 係 沒 落 遊 戲 。
23. 白 鴿 轉 : 捉 地 鐵 扶 手 轉 呀 轉 。
24. 燕 式 平 衡 : 行 路 邊 凸 起 石 壆 或 者 花 槽 。
25. 裝 假 狗 : 食 完 瑞 士 糖 將 粒 糖 紙 重 新 包 好 請 人 食 。
26. 自 閉 搣 牆 : 搣 牆 上 牆 紙 或 者 乳 膠 漆 , 阿 媽 發 現 必 死 無
疑 。
27. 阿 茂 整 餅 : 用 間 尺 同 百 寶 貼 整 Pizza 。
28. 龜 兔 賽 : 地 鐵 月 台 鬥 快 跑 。
29. 秋 高 放 膠 袋 : 膠 袋 當 風 箏 放 。
30. 白 撞 : 亂 咁 禁 人 門 鐘 後 速 逃 。
31. 咪 過 電 : 塞 寶 貼 落 插 蘇 。
32. 霹 霹 啪 啪 : 商 場 搭 電 梯 時 拍 拍 塊 防 撞 玻 璃 板 。
33. 圍 閹 : 嘩 ! 小 心 絕 後 。
34. 曬 : 利 用 手 表 面 反 射 陽 光 。
35. 搶 爛 巿 : 將 汽 水 罐 放 係 車 轆 前 , 等 人 開 車 時 車 扁 佢 。 唔
通 想 同 執 罐 阿 婆 搶 食 ?
36. 精 神 分 裂 : 屋 企 一 人 分 飾 幾 角 玩 煮 飯 仔 。
37. 吹 口 水 波 : 經 歷 沙 士 , 相 信 受 歡 迎 程 度 無 復 當 年 !
38. 畀 人 o趙: 重 新 包 回 綠 箭 香 口 膠 的 包 裝 紙 , 塞 番 入 去 請
人 。
39. 俄 羅 斯 粉 刷 : 玩 俄 羅 斯 輪 盤 , 將 沾 滿 粉 的 粉 刷 放 係 吊 扇
上 , 一 開 掣 睇 粉 刷 飛 出 掟 中 邊 個 。
40. 丟 拖 鞋 : 將 人 家 的 門 口 拖 鞋 丟 落 街 。
41. 水 彈 : 最 常 載 既 有 尿 同 墨 水 。
42. 射 水 槍 : 用 水 槍 射 街 上 途 人 。
43. 空 中 飛 人 : 坐 鞦 韆 Fing 到 最 高 時 跳 出 去 , 鬥 遠 。
44. 犯 校 規 : 偷 偷 帶 玩 具 返 學 。
45. 搞 破 壞 : 圖 釘 弄 穿 學 校 壁 報 。
46. 索 野 : 將 舊 式 改 錯 水 附 送 的 天 拿 水 搽 上 手 , 涼 冰 冰 。
47. 紙 蜻 蜓 : 在 公 屋 天 井 中 放 紙 飛 機 或 紙 蜻 蜓 , 鬥 慢 飛 到 落
地 。
48. 放 飛 機 : 將 紙 碎 或 紙 飛 機 撒 落 街 。
49. 過 手 癮 : 將 Bubble 紙 氣 泡 逐 粒 鍊 爆 。
50. 玩 膠 水 : 將 膠 水 或 白 膠 漿 塗 在 物 件 上 , 乾 後 成 塊 搣 出 。
51. 玩 筆 盒 : 同 隔 籬 位 鬥 快 開 晒 筆 盒 既 機 關 。
52. 爆 「 樽 」 : 特 登 將 飲 完 的 紙 包 飲 品 吹 脹 然 後 放 在 地 上 ,
大 力 地 踩 爆 佢 。
53. 踩 水 : 玩 水 花 四 濺 。
54. 煲 蠟 : 禁 喇 ! 差 人 拉 呀 !
55. 畫 動 畫 : 將 課 本 書 角 逐 頁 逐 頁 畫 公 仔, 變 成 動 畫。
56. 玩 紙 雕 : 用 小 刀 片 及 紙 雕  一 些 平 面 圖 案 ( 多 數 是 卡 通 人 物 ) ,
利 用 雕 走 的 凹 ,保 留 的 凸,放 一 張 白 紙 於 紙 雕 上 面 用  鉛  筆 輕 掃,
可 製 造 出如 複 印 錢 幣 的 效 果 。
57 . 玩 賽 艇  : 放 雪 條 棍 落 流 動 的 坑 渠 水 比 賽  ,看 誰 最 先 到 終 點 。
58. 角 色 扮 演: 模 仿 電 視 劇 的 主 角 對 演,男 生 多 以 武 俠 劇 為 藍 本,
比 武 論 劍。
59.. 十 大 酷 刑 : 用 針 線 綁 住 金 龜 ( 昆 蟲 ) 的 腳 讓 牠 飛 翔,用 放 大
鏡 聚 焦 陽 光,燒 蒼 蠅。
60. 片 石 : 將 扁 石 仔 橫 片 海 面,石 仔 彈 跳 得 越 多,越 勁 。
61. 挾 持 人 質:捉 女 同 學 入 男 廁。

哈 哈!你 們 做 過 那 些 呢?希 望 大 家 再 提 供 一些 童 年無 聊 玩 意,儲 齊 1 0 0 件 就 完 美了!emoticon

[1]

62. 拋豆袋. 女生會用自己喜愛的布料(通常時母親用剩)然後放些綠豆/米.

63. 橡筋繩. 女孩子必玩.


[引用] | 作者 葵涌之花 | 13th Sep 2006 | [舉報垃圾留言]

[2]

64.踢紙球、拋紙球落課室廢紙籮。
65.玩有射怪獸的計數機。
66.幾個同學較定電子錶鬧鐘同時響。


[引用] | 作者 Mok Up | 13th Sep 2006 | [舉報垃圾留言]

[3]

哈哈!好多都玩過,最經典係拋水彈,依家會比人拉!:P

67.人肉抬轎:兩個人手搭手做成一個"井"字,搵人坐上去!


[引用] | 作者 老頑童 | 13th Sep 2006 | [舉報垃圾留言]

[4] 估唔到.....

以上的玩意我都有玩過,雖然不是全部......
原來大家小時候都那麼無聊啊~~~


[引用] | 作者 老虎 | 13th Sep 2006 | [舉報垃圾留言]

[5]

我都差不多全玩過,除了在商場跑外!=P


[引用] | 作者 agnes | 13th Sep 2006 | [舉報垃圾留言]

[6]

大部份都有玩過喎! 但係空中飛人我真係唔夠薑囉!


[引用] | 作者 Becky | 13th Sep 2006 | [舉報垃圾留言]

[7]

68. 上課唔肚餓但特登偷食
69. 每班同學搵人叫 "高秀平", "女人形", 每個姓朱叫"朱標".
70. 鬥雞眼, 反眼皮
71. 鬥快識背電視劇主題曲,可以快到電視劇未做已經識.
72. 改窄校呔, 用膠紙貼校章,放學"懶"型搣走佢.

寫住咁多先.


[引用] | 作者 九龍妹 | 13th Sep 2006 | [舉報垃圾留言]

[8]

9. 背 脊 貼 龜 : 舞神祕技連環貼

配備條件:平時樹立善良形象

準備動作:一大一小兩張龜,重疊

分解動作:
1.從後趕上,步速正常,力道適中
2.拍完隨即撕下大張的,跨前一步,向目標人物展示
3.聲稱剛剛見有人貼他背上,但疑兇已逃去無蹤
4.忍笑觀賞餘下情景。


[引用] | 作者 apsara | 13th Sep 2006 | [舉報垃圾留言]

[9]

嬲住張被扮武俠人士或香港小姐~~


[引用] | 作者 domotoiceko | 13th Sep 2006 | [舉報垃圾留言]

[10] Re: 老虎

《無聊才讀書》嘛!
你讀書時一本正經,照計…不會這樣玩的。^^

老虎 :
以上的玩意我都有玩過,雖然不是全部......原來大家小時候都那麼無聊啊~~~


[引用] | 作者 鬍鬚人 | 13th Sep 2006 | [舉報垃圾留言]

[11] Re: Agnes

嘩!女生來說,你也算利害了,玩過這麼多?

agnes :
我都差不多全玩過,除了在商場跑外!=P


[引用] | 作者 鬍鬚人 | 13th Sep 2006 | [舉報垃圾留言]

[12] Re: Becky

真係要好夠薑先敢玩架!

Becky :
大部份都有玩過喎! 但係空中飛人我真係唔夠薑囉!


[引用] | 作者 鬍鬚人 | 13th Sep 2006 | [舉報垃圾留言]

[13] Re: 九龍妹

女仔人家都猛搵人改花名?^^

九龍妹 :
68. 上課唔肚餓但特登偷食69. 每班同學搵人叫 "高秀平", "女人形", 每個姓朱叫"朱標".70. 鬥雞眼, 反眼皮71. 鬥快識背電視劇主題曲,可以快到電視劇未做已經識.72. 改窄校呔, 用膠紙貼校章,放學"懶"型搣走佢.
寫住咁多先.


[引用] | 作者 鬍鬚人 | 13th Sep 2006 | [舉報垃圾留言]

[14] Re: Apsara

果然是有程序、有部署! emoticon

有否在龜紙上再加一首詩呢?emoticon

apsara : 9. 背 脊 貼 龜 : 舞神祕技連環貼配備條件:平時樹立善良形象準備動作:一大一小兩張龜,重疊分解動作:1.從後趕上,步速正常,力道適中2.拍完隨即撕下大張的,跨前一步,向目標人物展示3.聲稱剛剛見有人貼他背上,但疑兇已逃去無蹤4.忍笑觀賞餘下情景。


[引用] | 作者 鬍鬚人 | 13th Sep 2006 | [舉報垃圾留言]

[15] Re: domotoiceko

係0番!我都扮過超人!emoticon

O.K.!  73. 嬲住張被扮武俠人士或香港小姐~~emoticon

74. 玩風車emoticon:轉筆、轉書扮晒有型。emoticon

各位仲有冇提供?emoticon

domotoiceko : 嬲住張被扮武俠人士或香港小姐~~


[引用] | 作者 鬍鬚人 | 13th Sep 2006 | [舉報垃圾留言]

[16]

75, 一個人躲在被窩中,撐起張被,扮露營。
76, 與兄弟姊妹或表兄弟姊妹輪流收埋啲物件,玩尋寶。


[引用] | 作者 Ronald | 13th Sep 2006 | [舉報垃圾留言]

[17]

23. 白 鴿 轉 : 捉 地 鐵 扶 手 轉 呀 轉 。

最怕d o靚仔玩到對波鞋同地下發出唧唧聲,聽到都打冷震


[引用] | 作者 笨爸 | 13th Sep 2006 | [舉報垃圾留言]

[18] Re:
Ronald :
75, 一個人躲在被窩中,撐起張被,扮露營。76, 與兄弟姊妹或表兄弟姊妹輪流收埋啲物件,玩尋寶。

75: 仲可以扮潛水艇、太空船、機械人既駕駛艙...自行配音: "蕉蕉! un呀un呀! o幾個刮既咕..."


[引用] | 作者 笨爸 | 13th Sep 2006 | [舉報垃圾留言]

[19]

77. 縮骨功: 夾住自己在公屋的鐵閘及木門之間.


[引用] | 作者 九龍妹 | 13th Sep 2006 | [舉報垃圾留言]

[20] Re:
九龍妹 :
77. 縮骨功: 夾住自己在公屋的鐵閘及木門之間.

不如攪個投票...呢個簡直係無聊之最!


[引用] | 作者 笨爸 | 13th Sep 2006 | [舉報垃圾留言]

[21]

我都有寫過兩篇童年玩意呀﹗
童年玩意 (1)
童年玩意 (2)


[引用] | 作者 靚媽 | 13th Sep 2006 | [舉報垃圾留言]

[22]

77. 落茄屎: 响天橋把麥記嘅茄汁唧落下面嘅車
78. 真人噴水池: 噴水、飲料或...口水(真係唔衛生)...鬥遠,要係水柱式噴,唔係花灑式
79. 百力支劍客: 兩人各拿一支百力支鬥劍
80. 紫菜貼面: 紫菜小新眉、紫菜「鬍鬚人」、紫菜殭屍符
81. 三葉草扯「細」纜(四葉草都得,如果你搵得到): 把兩棵三葉草莖部外層撕開、只留內部細絲,然後把它們六葉相扣,就可扯細纜啦(扯細纜唔係鬥大力,係鬥陰力)


[引用] | 作者 釘聊 | 13th Sep 2006 | [舉報垃圾留言]

[23]

77. 落「茄」屎: 响天橋把麥記嘅茄汁唧落下面嘅車
78. 真人噴水池: 噴水、飲料或...口水(真係唔衛生)...鬥遠,要係水柱式噴,唔係花灑式
79. 百力支劍客: 兩人各拿一支百力支鬥劍
80. 紫菜貼面: 紫菜小新眉、紫菜「鬍鬚人」、紫菜殭屍符
81. 三葉草扯「細」纜(四葉草都得,如果你搵得到): 把兩棵三葉草莖部外層撕開、只留內部細絲,然後把它們六葉相扣,就可扯細纜啦(扯細纜唔係鬥大力,係鬥陰力)


[引用] | 作者 釘聊 | 13th Sep 2006 | [舉報垃圾留言]

[24]

81, 在商場中, 將人家唔要的空的扭蛋當波踢。
82, 與兄弟姊妹玩故事接龍。


[引用] | 作者 Ronald | 13th Sep 2006 | [舉報垃圾留言]

[25] Re:
靚媽 : 我都有寫過兩篇童年玩意呀﹗童年玩意 (1)童年玩意 (2)
我又貼: 兒時雜憶


[引用] | 作者 笨爸 | 13th Sep 2006 | [舉報垃圾留言]

[26]

冇玩過:

4. 商 場 暴 走
12. 飄 移 購 物 車
16. 玩 水 喉
23. 白 鴿 轉
25. 裝 假 狗
27. 阿 茂 整 餅
28. 龜 兔 賽
31. 咪 過 電
33. 圍 閹
37. 吹 口 水 波
38. 畀 人 o趙
44. 犯 校 規
57 . 玩 賽 艇

新增項目:

81. 猴子爬水管:擒上屋邨樓梯口公共空間的水管,像猴子般不斷用雙手沿著水管走,還可以打鞦韆。

82. 鐵閘龍門:將屋邨公共空間當作球場,對正「球場」的單位鐵閘便慘變龍門,經常被「省」中。


[引用] | 作者 Carol | 13th Sep 2006 | [舉報垃圾留言]

[27] 笨爸
笨爸 :
九龍妹 :77. 縮骨功: 夾住自己在公屋的鐵閘及木門之間.

不如攪個投票...呢個簡直係無聊之最!

咁你或者你d朋友有冇試過?


[引用] | 作者 九龍妹 | 13th Sep 2006 | [舉報垃圾留言]

[28]

...冇呀...聽你講完好想試下...

不過有冇試過鐵閘鎖左,而又冇帶木門既鎖匙,再加上屋企又冇人......?


[引用] | 作者 笨爸 | 13th Sep 2006 | [舉報垃圾留言]

[29] Re: Re:
笨爸 : 靚媽 : 我都有寫過兩篇童年玩意呀﹗童年玩意 (1)童年玩意 (2)我又貼: 兒時雜憶
唔爭在我啦: 兒時玩意兒

 


[引用] | 作者 Ronald | 13th Sep 2006 | [舉報垃圾留言]

[30] Re:
笨爸 :
...冇呀...聽你講完好想試下...
不過有冇試過鐵閘鎖左,而又冇帶木門既鎖匙,再加上屋企又冇人......?

雖然唔知你幾大,不過應該幾困難, 呢樣係幾歲大果時做...

另,如果細個冇門匙就最開心啦,咪唔返屋企住囉!


[引用] | 作者 九龍妹 | 13th Sep 2006 | [舉報垃圾留言]

[31] Re: Re: Re:
Ronald :
笨爸 : 靚媽 : 我都有寫過兩篇童年玩意呀﹗童年玩意 (1)童年玩意 (2)我又貼: 兒時雜憶 唔爭在我啦: 兒時玩意兒
 

其實我都有玩類似床下底秘密基地之類既遊戲,不過就唔係響床下底玩,而係響客廳棟幾張櫈,再用衣夾夾住d被單起個帳幕出黎,再搵d立雜野塞住四邊既窿窿,造成一個基地,捐入去成日都唔肯出黎...


[引用] | 作者 笨爸 | 13th Sep 2006 | [舉報垃圾留言]

[32] Re:不打自招

那等於簽名認是我做的= =
我犯過的高智能罪行,到現在都未被發現的...

鬍鬚人 :
果然是有程序、有部署!
有否在龜紙上再加一首詩呢?


[引用] | 作者 apsara | 13th Sep 2006 | [舉報垃圾留言]

[33]

仲有
83. 靜電效應: 雙腳在地毯摩擦,產生靜電,再傳啲靜電比人,電人塊面豬或頸背
84. 免費氣袋: 攞超市啲裝生果蔬菜嘅膠袋,在超市門口通常都有嘅的出風口充滿氣(哈,唔洗自己吹),封住,再响人後面拍爆佢嚇人


[引用] | 作者 釘聊 | 13th Sep 2006 | [舉報垃圾留言]

[34]

85. 熱辣辣兩毫子: 踩住個兩毫子響地下捽慶佢,拎起黎o禁落人地手臂度


[引用] | 作者 笨爸 | 13th Sep 2006 | [舉報垃圾留言]

[35] Re:
笨爸 :
85. 熱辣辣兩毫子: 踩住個兩毫子響地下捽慶佢,拎起黎o禁落人地手臂度

點解係兩毫子?
有冇特別原因?

令我想起這個:
86. 請你食凍柑: 凍冰冰嘅手,握成拳頭,大叫「請你食凍柑!」,然後把拳頭按在人哋暖粒粒嘅面豬上。整人取暖,一兩舉得!


[引用] | 作者 釘聊 | 13th Sep 2006 | [舉報垃圾留言]

[36]

87. 捽膠擦碎 : 擦完d 膠擦碎用間尺捽呀搓呀, 變成一條, 又再切成一截截, 再捽... 然後同隔離位個同學仔鬥長...

88. 玩蟻 : 用保濟丸樽捉住隻蟻, 然後當寵物養... 睇佢唔順眼的話, 最後會開盤熱水, 放個樽入去... 可以觀察其死狀 (家長指引項目...)


[引用] | 作者 AT | 13th Sep 2006 | [舉報垃圾留言]

[37]

p.s. : 漫畫中的風扇ET phone home 我真係exactly 玩過... 亦exactly係 ET phone home = ="""


[引用] | 作者 AT | 13th Sep 2006 | [舉報垃圾留言]

[38] Re:
AT :
87. 捽膠擦碎 : 擦完d 膠擦碎用間尺捽呀搓呀, 變成一條, 又再切成一截截, 再捽... 然後同隔離位個同學仔鬥長...
blockquote>

我0既玩膠擦碎方法係將膠間尺摩擦至產生靜電, 再放在膠擦碎上面睇0的膠擦碎跳舞.


[引用] | 作者 Carol | 13th Sep 2006 | [舉報垃圾留言]

[39]

31 咪 過 電 : 塞 寶 貼 落 插 蘇
44犯 校 規 : 偷 偷 帶 玩 具 返 學 。
46 索 野 : 將 舊 式 改 錯 水 附 送 的 天 拿 水 搽 上 手 , 涼 冰 冰 。
49 過 手 癮 : 將 Bubble 紙 氣 泡 逐 粒 鍊 爆 。

55畫 動 畫 : 將 課 本 書 角 逐 頁 逐 頁 畫 公 仔, 變 成 動 畫。

依幾樣未玩過,最尾o個樣因為自己知道晝得唔靚所以無做

89.玩估銀仔
90鍾意去D渠游水,同捉蚪豆令返屋企養.


[引用] | 作者 三少 | 13th Sep 2006 | [舉報垃圾留言]

[40]

我看了一圈,倒想出這個:

91)用兩隻手在墻上做影子戲,如扮狗、小鳥等等的形狀。

92)吃香口膠,故意把它吹得很大,然後讓它蓋過自己的臉。

93)用汽水蓋扮戒指。

94)擰飲筒,然後彈一下,讓它發出聲響。

95)這個不知道怎麼形容,兩個人玩的,用一細繩子(有一點彈性)和手的拇指和食指交替弄很多形狀,看誰先不能接上。

96)兩人玩的,拍手掌啦,越拍越快那種。

97)扮行平衡木啦 (明明在地上)。

98)扮盲公。

99)按了門鐘,然後閃左去 (現在應該會比人投訴)。

100)女孩子也許會做,中秋節食完菱角,留下那角,扮慈禧太后的魔爪(有點白癡)。 emoticon


[引用] | 作者 曉寒 | 13th Sep 2006 | [舉報垃圾留言]

[41] Re:
笨爸 :
80. 買碗紅豆沙搭巴士上層後排,離站果下倒落去排緊隊d人度(我都未做過...)
我地係掟人地個飯壺落去。
剪人校服裙啲蝴蝶腰帶/裙尾。


[引用] | 作者 金婆婆 | 14th Sep 2006 | [舉報垃圾留言]

[42]
曉寒 :
95)這個不知道怎麼形容,兩個人玩的,用一細繩子(有一點彈性)和手的拇指和食指交替弄很多形狀,看誰先不能接上。
96)兩人玩的,拍手掌啦,越拍越快那種。

95. 我叫佢「玩橡筋繩」/結繩花(大雄嘅強項)(唔係跳跳橡筋繩) ,通常用女仔綁頭髮嗰種
橡筋繩(唔係橡筋扣橡筋嗰種啦),每個花式種有自己嘅名
96. 記得有兩種,我種一邊唱「小皮球,香蕉油...」一邊拍,另一種記得好似叫「黑白」,手掌代表白,手背代表黑,不過首口訣唔記得咗


[引用] | 作者 釘聊 | 14th Sep 2006 | [舉報垃圾留言]

[43]

101)扮蜘蛛俠:黐或縛枝好短的鉛筆係手腕扮蜘蛛俠射蜘蛛絲

102)頭髮豎起 : 將把膠間尺起勢係件衫處捽,然後擺係頭蓋頂,D靜電攪到頭髮豎起


[引用] | 作者 Heidi | 14th Sep 2006 | [舉報垃圾留言]

[44]

101.「麻芝姑」- 另類猜枚
102.「007入子彈」: "007,入子彈,007 保護,007 保護,007 劈劈劈…" /「超級撒亞人」版: "儲氣,變身,龜波氣功" ><103>


[引用] | 作者 釘聊 | 14th Sep 2006 | [舉報垃圾留言]

[45]

103. 「天下太平」,小學時自創過「三國誌」版 =~=
104. 兩個人或以上用彈簧筆彈筆芯盒,撞一哋個筆芯盒落台


[引用] | 作者 釘聊 | 14th Sep 2006 | [舉報垃圾留言]

[46]

103. 把爸爸的尼龍床當彈床咁跳

104. 開大個花灑,坐低照頭扮响瀑布低練功

emoticon


[引用] | 作者 細蚊 | 14th Sep 2006 | [舉報垃圾留言]

[47]

看過以上種種懷舊玩意,勾起無數的回憶。

今日的小朋友看似比上一代幸福,但除了物質外,他們所得到是否真的很多?

玩搖搖板、盪鞦韆、玩煮飯仔,陪著無數人成長,無可否認,我們是這樣長大的!


[引用] | 作者 英國細妹 | 14th Sep 2006 | [舉報垃圾留言]

[48] Re: Ronald

躲在被窩?咪好焗?XDD

Ronald :
75, 一個人躲在被窩中,撐起張被,扮露營。76, 與兄弟姊妹或表兄弟姊妹輪流收埋啲物件,玩尋寶。


[引用] | 作者 鬍鬚人 | 14th Sep 2006 | [舉報垃圾留言]

[49] Re: 笨爸

搞投票?你都幾好諗頭!^^
但這個無聊之最,我都試過!XDDDDD

笨爸 :
九龍妹 :77. 縮骨功: 夾住自己在公屋的鐵閘及木門之間.

不如攪個投票...呢個簡直係無聊之最!


[引用] | 作者 鬍鬚人 | 14th Sep 2006 | [舉報垃圾留言]

[50] Re:笨爸

79. 同 80. 我諗你都做過!XDDDDD

笨爸 :
78. 估手指: 一隻手圍住另一隻手既手指叫人估邊隻係中指/無名指
79. 響以前d銀行櫃員機仲有塊自動cum返落黎既膠片既年代,打個雞蛋落去然後舖報紙(我未做過...)
80. 買碗紅豆沙搭巴士上層後排,離站果下倒落去排緊隊d人度(我都未做過...)


[引用] | 作者 鬍鬚人 | 14th Sep 2006 | [舉報垃圾留言]

Next